كان الاقتناع بكدبة التسليم بيغرس بذرته بعافيه
ومسلم الرحله لدفة التفاصيل
لكنه كان م المستحيل ف نَـوِّتـُـه يكدب ..
ويحتمي بالصبر ويعلنه كبديل
----------
كان بيكرر نفس الغلطه
شكلا حل وفعلا ورطه
كان بيكرر فـ المشاوير
راحها بيمشي ونفسه يطير
--------------------------
كان فرح اكيد
من غير ما نعيد (كم التفاصيل )
من امتى / لـ مين / ولـ فين / و ازاي
كان شوق نساي .. ياخدك لبعـيــــــــــــــــــــــــــــــــــــــد
والخوف كان خصم اناني عنيد
------------------------------
كان حلم جديد / وقديم ..
له كل حقوق طقس التجديد
له طعم و حس و وريحه و صوت ...
وكمان بيشوف
الـ مش معروف .. هل يقدر يصمد / بالتحديد
ف عواصف .. بنسميها ( ظروف ) ؟