السبت، 3 سبتمبر 2011

كــــــــــــــــــــــــان

كان الاقتناع بكدبة التسليم بيغرس بذرته بعافيه

ومسلم الرحله لدفة التفاصيل

لكنه كان م المستحيل ف نَـوِّتـُـه يكدب ..

ويحتمي بالصبر ويعلنه كبديل

----------

كان بيكرر نفس الغلطه

شكلا حل وفعلا ورطه

كان بيكرر فـ المشاوير

راحها بيمشي ونفسه يطير

--------------------------

كان فرح اكيد

من غير ما نعيد (كم التفاصيل )

من امتى / لـ مين / ولـ فين / و ازاي

كان شوق نساي .. ياخدك لبعـيــــــــــــــــــــــــــــــــــــــد

والخوف كان خصم اناني عنيد

------------------------------

كان حلم جديد / وقديم ..

له كل حقوق طقس التجديد

له طعم و حس و وريحه و صوت ...

وكمان بيشوف

الـ مش معروف .. هل يقدر يصمد / بالتحديد

ف عواصف .. بنسميها ( ظروف ) ؟

الجمعة، 2 سبتمبر 2011

و كان الصمت دوبلير الكلام ف الدور

و مفروض دوره كام مشهد يادوب و يغور

بطل الروايه اهو مات بـسكتته القاضيه ..

مين اللى سلم بوح شهرزاد .. مسرور

و كنت الراوى ف روايه انتهت بدرى

و لا ادوار و لا جمهور .. و لا تدرى

دا ايه جابك على مسرح وجع قلبك

و ايه خلاك تفوت ع الحلم و بتجرى

و كنت الراوى و رويت الوجع الحان

بتطرب ودن مش سامع و لا دريان

و تألم قلب من لمس الانين حاله

يدور وش/ يعلن ع الدموع عصيان

الخميس، 1 سبتمبر 2011

تكـون الـخطوه بتقولـك طريـق لـخابيـط

و بتعـانـد و بتخـطـى و عاملـى حـويـط

فتتلخبط كـده ايامـك و تتكعبل ف احلامـك

و تـتمنـى من الاول مـا كنـت عبــيـط

الأربعاء، 6 مايو 2009

و كان الصمت

و كان الصمت بيزاول .. نشاطه اليومى و بهمه
بيكبس فوق ضلوع احساس .. عشان ينطق بـ ولا كلمه
و كان القلب بيحايل .. حروف بالضى لو ترضى
لكن الصمت اقنعهم .. بفعل العتمه و بحكمه